يعنى اى ذكاء اصطناعى | ازاى فيس بوك بتاكل على قفاك عيش
يعنى اى ذكاء اصطناعى | ازاى فيس بوك بتاكل على قفاك عيش
مصطلح اللغه ف العموم مفهومه التواصل بين كائنين متشابهين زى البنى ادمين
مثلا لو عايز اتواصل مع شخص تانى جنسيته مختلفه بتعلم لغته او هوا يتعلم لغتى
علشان نقدر نفهم بعض
او التواصل بين كائنين مختلفين مثلا
الكمبيوتر او الموبايل اللى بنستخدمهم او اى أله رقميه ف العموم علشان اقدر اتواصل معاها لازم
اتعلم لغتها
طب هى بتتكلم يعنى لا طبعا هنا المفهوم مختلف هى مبتتكلمش بس بتستقبل اوامر
بطريقه وقواعد معينه بنسميها لغه البرمجه
المطورين او المبرمجين بيقدرو يتحكمو ف الاجهزه دى عن طريق لغه البرمجه الخاصه ب الاله دى
طب جميل جدا الناس دى فكرت طب بما اننا بنقدر نتكلم مع الاجهزه دى طب
منخلليها تساعدنا ف شغلنا
هنعمل حاجه اسمها برنامج . البرنامج دا هنعرفه طريقه شغلنا بالظبط ويساعدنا
هوا علشان يوفر علينا الوقت والمجهود
فبقى بدل مكنت بجيب محاسب بيقوم بحسابات معقده ومقابل كده بياخد 6 الاف
جنيه بقيت بشترى البرنامج مثلا ب 20 الف جنيه واجيب محاسب يستخدم البرنامج بس
وهياخد 2000 جنيه لانه قيمته كمحاسب قلت وكمان وفر ف الوقت والشغل اللى كان بيخلص
ف شهر بقى بيخلص ف ايام وباتقان 100 ف 100
...............................................
من فتره قريبه بدانا نسمع مصطلحات جديده ف عالم تكنولوجيا البرامج زى الزكاء الاصطناعى والبيج داتا طب اى مفاهيم
الكلام
البيانات الضخمه او البيج داتا هى عباره عن ملايين المعلومات عن شيئ معين
يعنى مثلا شركه زى شركه فيس بوك شوف كميه البيانات والمعلومات اللى مسجلها
عنك وعن كل مستخدمينه بلايين من المعلومات
البيانات او الداتا دى بنسميها البيج داتا
على عكس البيانات العاديه اللى بتبق ف البرامج الصغيره اللى ممكن اى مهندس
داتا بيز يتعامل معاها لواحده
انا عارف الموضوع ملغبط شويه بس خلليك معايا وكل حاجه هتوضح ليك فالاخر
نيجى بقى للذكاء الاصطناعى واللى الناس هتمسك ف بعض لحد النهارده بسببه ومش
عارفين يحددو هل هوا هيساعد البشريه ولا هيقضى على البشريه
زى مقلت قبل كده ان المبرمجين عملو برامج بيدوها خطوات الشغل بتاعهم ويدوب
بتنفذ العمليه اللى انت دخلتها ليها مبالك
ان البرنامج دا بقى بيفكر لوحده
طب الزاى دا
هديك مثال
كميه البيانات اللى فيس بوك مخزنها عنك وخد بالك البيانات دى مش الصور
الكام بوست والحاله اللى بتنزلهم لا يباشا خالص الكلام دا زى تمويه كده
انت بيتخزن عنك معلومات دقيقه انت نفسك متتخيلهاش
طب هتعملى فيها ناصح وتقللى هوا يقدر يحزن عنى ايه غير المعلومات اللى انا
بضيفها بنفسى
يعنى مثلا الوقت اللى بتدخل فيها مستبيلمنتلنمتبتشنبتلطنسبلت كل الكلام دا
كل البيانات دى بتتخزن
يجى بقى دور الذكاء الاصطناعى عن طريق الجورزمات معينه يخللى التطبيق يجمع
عنك معلوماات حقيقيه مبنيه عن البينات اللى سجلها عنك وانت بتستخدم التطبيق
يعنى نسبه قرائتك للبوستات الحزينه اكتر من السعيده يبق انت شخص حزين ف الوقت دا او بتواجهك مشاكل حقيقيه حاليا او انت شخص بائس عموما
بتحدد نسبه تفاعلك مع الاخرين بتحدد انت شخص كسول ولا نشيط بتحب تسهر ولا
بتنام بدرى
شخص اجتماعى بتستخدم الشاات كتير وبتتكلم كتير ولا بتحب الانعزال
طب هما بيستفادو بأيه من كده
بص دلوقتى بقو بيسمو البينات دى نفط المستقبل يعنى هتبق قيمتها زى قيمه
البترول ف المستقبل
البيانات دى بتتباع وبيكسبو من وراها ملاين اقرب مثال على الموضوع دا
ف انتخابات امريكا اللى فاتت قدرو يحددو عن طريق فيس بوك نسب الناس المؤيده
لترامب ف كل ولايه بحيث انه يقدر يتعامل ويوجه حملاته الانتاخبيه ف الاماكن اللى
مش مؤيده ليه
فالحكومه بيبق ليها اكسس عل البيانات دى فانت لو فكرت فيوم تلعب بديلك
هتتقفش يعنى مفيش كلام
هوا طبعا الباينات دى المفروض الشركه متطلعاش بس اللى يعرف يمسك على حاجه
على بقى
وقريب فيس بوك هتنزل تطبيق يساعد الناس عل الجواز
هتحدد المواصفات اللى انت حاببها ف شريكك وهوا هيرشحلك ناس قريبه من
المواصفات دى او هيقترحلك الناس اللى مواصفتها شبييهه بمواصفاتك
والنتايج بتاعت الموضوع دى دقيقه وصحيحه بنسب كبيره جدا
صدقتنى لما قلتلك انك بيتاكل عل قفاك عيش 6565
تعليقات
إرسال تعليق