يعنى اى تجاره الكترونيه ومين هى امازون دوت كوم
طب اى السبب باختصار هنضيف حرف e فهتبق التجاره
اى كوميرس يعنى تجاره الكترونيه والتسويق اى ماركتينج يعنى التسويق
الالكترونى
تابع معايا وانا افهمك المضوع دا
امازون .كوم اكبر موقع للتجاره الالكترونيه ف العالم اسس الموقع دا جيف
بيزوس سنه 1994 واللى متوقع انه يكون من اوائل الناس اللى هيتلقبو بلقب تريليونير
فى عام 2040
اخينا دا كان بيحب يقرا كتير
زى حال ناس كتير الكتب بتتكوم
عندهم سطور
فقرر انه يتخلص منهم
طبعا لو كان ف امريكا سور الاسبكيه
كان فرش بيهم
بس للاسف معندهمش . فجت له فكره انه يستخدم شبكه الانترنت واللى كانت ف
ايامه حاجه مبهره الشبكه اللى بتوصل كل الناس ببعض وهما ف البيت
وبيزوس كان مبرمج وطالما مبرمج يبق بيعرف يعمل برامج
زى موضحت الحلقه اللى فاتت برده
فعمل موقع الكترونى اسمه امازون . كون واللى من خلاله تقدر تشترى اى كتاب
وهيوصللك وانت فالبيت وتشوف كمان تقيم الناس ليه وعد الناس اللى اشترته قبلك
الموضوع دا كان ساعتها عامل قلبانه جامده وطبعا المستثمرين وقفوله على
الابواب
لحدى مبقى الموقع بالفعل اكبر مواقع التجاره الالكترونيه ف العالم وعدد
الموظفين فالشركه ف سنه 2018 تقريبا 676الف موظف
وبقى ماركت متكامل تقدر تشترى منه
اى حاجه انت عايزها كتب – ملابس – اجهزه الكترونيه كل ما تتخيله موجود هتطلبه بس
وهيوصللك لحد باب البيت لو انت ف اى مكان ف العالم
طبعا الموضوع انتشر فالعالم كله وبقت ف كل دوله مواقع مشابهه لشركه امازون
على المستوى عربى شركات زى جوميا وسوق .كوم واللى بالمناسبه شركه امازون اشتريتها
ف 2017
فبقى باختصار نقدر نقول ان التجاره الالكترونيه هى عمليه بيع وشرا بالوسائل
الالكترونيه زى تطبيقات الموبايل والمواقع الالكترونيه
وبقت اشكالها مختلفه دلوقتى بقت فى مواقع للمزادات
والخدمات المصرفيه وحجز تذاكر والفنادق
طب كده ف سؤال مهم . علشان اعمل موقع تجاره الكترونى
لازم ابق مبرمج ؟
كان فالاول اه طبعا لازم او انك تتعامل مع شركه برمجه او مبرمج يعملك
الموقع
بس حاليا بقى الموضوع بسيط جدا بقت فى مواقع بتيح ليك قوالب جاهزه هتصممها
بنفسك بسهوله يدوب بس تحجز ليها دومين
الدومين اللى هوا لينك البيدج اللى بيبق اخره .كوم او اي يكن يعنى
او لو عايز تريح نفسك من الموضوع دا هتأجر موقع متكامل بباقات مختلفه شهريه
او سنويه
بقى فى مواقع كتير بتوفرلك الكلام دا
زى شوبى فاى و بيج كوميرس و وو كميرس وويكس وفى موقع مصرى قابلته اسمه شوب
كارت
فيعنى لو عندك محل بيبيع منتج معين او لو معندكش بس عندك منتج هتعمل موقع وتعرض
عليه منتجاتك وهتتفق مع شركه شحن توصللك منتجاتك لاى مكان
نيجى بقى لقسم الجاره التالت – شكلك نسيته – التسويق الالكترونى – اظن
مبقاش محتاج شرح
باختصار منتجاتك دى علشان اوصلها لعين الناس اللى بيستخدمو الانترنت لازم
اعملها تسويق
تسويق بقى جوجل او فيس بوك او انستجرام او يوتيوب
طبعا الشركات بتستخدم مسوقين متخصصين فالتعامل مع المواقع دى بطرق مدروسه
بس لو انت البيزنس بتاعك صغير تقدر تتعلم تسوق بنفسك
فلو عندك امكانيه تاخد خطوه زى دى
وتبدا الاونلاين بيزنس بتاعك ابدأ بس متنسنيش لما ربنا يكرمك
تعليقات
إرسال تعليق