اعرف اللى انت متعرفش انك متعرفوش، 5 دقايق صعب تلاقيهم فى مكان تانى
لما نيجى نقسم تلاميذ اى فصل من الفصول على حسب مستواهم بنقسمهم فالعموم ل
4 اقسام
عالى – فوق المتوسط – تحت المتوسط - منخفض
يعنى لو عندنا عشر تلاميذ فى الفصل هنقسمهم بنسبه تقريبيه الى
2/10 عالى 3/10 فوق المتوسط 3/10تحت المتوسط 2/10منخفض
فلما كان مدرس يحب بوزيتيف اسنيرجى او لما كان يسال سؤال بسيط ومحدش يعرفه
غير يعنى 2 او تلاته بالكتير كان يقوللك يبى النجاح مش بس انك تكون شاطر ف التعليم
كل واحد دماغه شغاله ف حاجه معينه
تلقائيا دماغك بتوديك لعالم النجاره والنقاشه وتتخيل نفسك وانت سباك شاطر
ودا لان عقلك الباطن معندوش اى معلومه غير ان النجاح ف الحياه ملوش غير
طريق واحد هوا التميز فالدراسه
بس زى مقلت الحلقه اللى فاتت واللى بالمناسبه جتلى بسببها رسايل وردود
افعال مبهره جدا من ناس بره مصر وجوه مصر
ناس فعلا عايزه تطور من نفسها و تشوف الدنيا وصلت لايه
كانت خلاصه الحلقه ان ف زمنا دا الحياه مبقتش متوقفه على المجموع الدراسى
لان كل المجالات الدراسيه تقريبا بقت اونلاين
وهسيبلك لينك الحلقه ف الديسكربشن علشان لو مشفتهاش.
دلوقتى لازم عقلك يستوعب انك لما متكنش متميز فانت مش متميز ف مجال
بس متميز ف مجال تانى واللى بدورك
لازم تدور على المجال دا
لو مش شاطر فالرياضه فانت ممكن تكون شاطر فالعلوم ممكن تكون شاطر
فالكمبيوتر فالاحياء فالبيزنس المجالات مالهاش عدد
بس لازم تتعب وتعرف انت عايز اى لان دا اصعب
خطوه
من اسوا عادات مجتمعنا انه معتقد ان حياته بتبدا ف اليوم اللى بيتخرج فيه
متوسط اعمار الطلاب اللى بتتخرج 22 سنه انت متخيل 22 سنه تقريبا مبيبقاش
فيها انجاز واحد غير شهاده تخرج بتتعلق عالحيطه
ودا تقريبا علشان كل متعدى عليها تفكرك انت متخرج من كليه اى
على عكس المجتمع الغربى اللى بوصول الطالب للمرحله الثانويه فكره البحث
والسيلف ستادى عنده شيئ اساسى ودا على فكره مش عيب مناهج ولا كلام من دا لا
الفكره انه بيتعلم الزاى يتعلم
انه عنده معلومه عن كل مجال ف الحياه
+ تنميه الهوايات وممارسه اى نوع من انواع الرياضه
فانت لازم تتعلم و تعرف ان النجاح نجاح المداومه
مش شرط تكسب مش شرط تطلع الاول المهم انك اتعلمت تواصل
والتواصل هيعلمك الزاى تطور من نفسك من شخصيتك ومعلوماتك تعرف يعنى اى مهارات تواصل يعنى اى اعترف
باخطائى يعنى اى احترم القوانين يعنى اى تقبل الاراء واحترام الموهبه وتنميتها
واهميه الرياضه واحترامها
كل دى مهارات وعلوم محتاجين اننا نتعلمها ومفتقدينها لان دى اساسيات
ومفاتيح النجاح ف الحياه نفسها دا اساس
النجاح ف كل المجالات
واكبر دليل على الكلام دا ان معظم الناس الناجحه واللى اساميهم مش غريبه
علينا زى اينشتاين وايديسون واستيف جوبز
فيهم ناس اصلا مكملوش تعليم
يبق خلاص اكيد النجاح ليه اسس وجوانب تانيه
وتعال ناخد الموضوع بشكل عكسى
احنا كل سنه بنسمع عن العشره الاوئل على الجمهوريه اللى الوزير بيكلمهم
ويباركلهم ويطلعوهم عالتلفزيون يقولولنا الزاى ننجح مع كامل احترامى وتقديرى طبعا
بس فين اتحداك تجبلى اسم واحد سمعناه بعد كده انه قدم حاجه او انه صنع اختلاف ف
حاجه
المغزى من الموضوع انك لازم تفهم الكلام دا بدرى قبل فوات الاوان وتدخل ف
دوامه ملهاش نهايه
تفهم ان الحياه ليها جوانب الدراسه دى جانب واحد وماعليك الا انك تكتشف
بقيت الجوانب ف حياتك
علشان لما تيجى تبص لنفسك ف سن 22 اللى قلنا عليه انه متوسط الخريجين تلاقى
ان فعلا ان السنين اللى فاتت دى مضاعتش كده هباءا تلاقى فعلا ف انجازات
ومهاراتاتعلمتها تقدر تبنى عليها ف المستقبل
ممكن تبنى عليها كارير .وظيفه تكمل
بيها حياتك
او على الاقل خالص ثقتك بنفسك وعامل الاصرار عالنجاح والمنافسه ف اى مجال بيزيد
وبيولد عندك عامل احترام الوقت واستغلاله بشكل سليم .
نيجى لسؤال مهم ننهى بيه الحلقه
انت ليه بتقول لى الكلام دا ومحسسنى ان العالم مستنينى اضيف ليه مكل الناس
عايشه :
ف الحقيقه انامش بقولك كده علشان تضيف للعالم
انا بقوللك كده علشان تنقذ نفسك من اللى بيحصل واللى لسه هيحصل
وقتك اللى هوا ملكك لو مستفدتش بيه صح هياكلو بيه عيش عل قفاك
هما مين ؟
انت رد عل نفسك لما تكون فاضى بتعمل اى
بتحط ايدك ف جيبك وتطلع تلفونك نقطه ف نهايه السطر
بس دى البدايه اظن فهمت عايز اوصلك
اى
والحلقه اللى جايه هنتكلم عالموضوع دا بالتفصيل .
تعليقات
إرسال تعليق