ادرس اللى انت عايزه ببلاش | زمن كليات القمه انتهى
ادرس اللى انت عايزه ببلاش | زمن كليات القمه انتهى
الواد حماده كبر وبسم الله ماشاء الله بقى شغال ف شركه كبيره و بيقيض مرتب اكبر
من مرتب ابوه تقريبا مرتين
وقرر انه يتجوز ..
راح يتقدم لحنان بنت الاستاذ رمضان مدرس الكميا فالاستاذ رمضان سأله وانت شغال
اى يحماده
رد حماده وقالهWeb Developer ياعمى ......
فالاستاذ رمضان بصله بصه الاستغراب اياها وقاله مدرس انجليزى يعنى ...
لا يعمى ويب ديفولوبر.. مطور ويب
كان زمان واللى مش من فتره كبيره كان معروف ان خارجين تجاره بيشتغلو
محاسبين وخارجين تربيه بيشتغلو مدرسين وخريجين الصنايع بيشتغلو حرفين
بس خلاص بح معدش منه
موقع وظف وهوا موقع مشهور جدا للتوظيف واللى نسبه الوظايف اللى معتمده على
المهارات الشخصيه اكتر من 60 فالميه
واللى الطلب عليها بالاااف يوميا وبمرتبات مجزيه جدا جدا
ودا ببساطه لان مفهوم البيزنيس والتجاره اتغير تماما عن زمان
النهارده الانترنت بقى مسيطر على كل حياتنا الشخصيه والعمليه والثقافيه
واكيد طبعا ليه جوانب سلبيه وجوانب ايجابيه بس خللينا ف الجانب الايجابى
النهارده بقى من وانت ف الييت ممكن تتعلم اونلاين من جامعات عالميه
تدرس طب هندسه بيزنس كمبيوتر ساينس
اى علم انت حابب تدرسه هتلاقيه
ولا هتتكلفت سفر ولا فلوس ولاتعب
وفى مواقع مواقع النهارده متخصصه فالتعليم اونلاين
فى منها طبعا المجانى وف منها بفلوس وممكمن تاخد منها شهادات معتمده وتشتغل
بيها ف اى مكان
من اشهر المواقع دى
موقع Alison – courser – edx
وفى مواقع عربيه زى منصه ادراك واللى فيها موارد تعليميه مجانيه من رياض
الاطفال للثانوى
المواقع دى واكترمنها بكتيير جدا بتقدملك محتوى تعليمى كامل
يعنى لو هتدرس هندسه هتقدملك كل المحتوى التعليمى الخاص بكليه الهندسه
وببلاش
ابسط ياسيدى مبقتش محتاج تجيب مجموع عالى ف الثانويه علشان تدخل هندسه
كل اللى مطلوب منك عزيمه صبر واللغه
هنرجع لموضوع اللغه دا بعدين
طب هوا انا لسه هتعلم من جديد او
انا امكانياتى محدوده ومقدرش عالكلام دا
اصبر على
المواقع دى مش بس بتديك محتوى اكاديمى دى بتدى دبلومات كامله للى حابب
يشتغل بعدها علطول
زى اداره الاعمال تدريس محاسبه
بروجرامينج تصوير جرافيك تسويق رسم موسيقى
حلاقه
حلاقه ؟؟
اه والله لو عايزز تعلم الحلاقه هتتعلمها اونلاين
نيجى بقى للنقطه المهمه انا اتعلمت ياسيدى هل هشتغل ؟ولو اشتغلت هشتغل فين
؟
تعال نمسكها حته حته
هل هاتشتغل ؟
ادخل على اى موقع من مواقع التوظيف زى لينكد ان او وظف واكتب مثلا جرافيك
ديزاينر موبايل ديفيلوبر اى شغل انت عايزه اراهنك انك هتلاقى مش اقل من الف وظيفه
كل اللى عليك انك تكون اتقنت الدبلومه اللى درستها علشان تثبت نفسك ووتتفوق
عن اللى حواليك
طب اى بس كده افرض متقابلتش ولا يهمك
مواقع الفرى لانسنج واللى بتخلليك تشتغل وانت ف البيت
بمعنى ان دى مواقع اصحاب الشغل بينزلو الشغل اللى طالبينه عليها وانت تقدم عليه
.تخلصه وتبعتهوله وتقبض
وفى مواقع كتير مشهوره تقدر تسجل فيها عربيه واجنبيه
زى خمسات
او اجنبيه زى اب ورك او فرى لانسر
طب نطلع من النقطه دى بأى انك ممكن تتعامل مع عملاء من اى دوله ف العالم
وكمان تقبض منهم بالدولار من وانت فالبيت
كل اللى عليك انك تتعلم اللغه اللى
قلتلك عليها فوق
طب اى اروح اخد كورس انجليزى ..
برده
يبنى قلتلك كل حاجه هتتعلمها اونلاين ادخل اى موقع من اللى قلتهملك فوق دول
واكتب انجلش كورس وهتتعمله من ناس نيتف اصلا
طب انا مستوايا ميسمحش انى ادرس انجليزى بالانجليزى انا مييح
ببساطه هتلاقى مدرسين عرب ممتازين جدا هيعلموك من الصفر وبطريقه مش
هتتخيلها
بص انا هديكو كنز من وجه نظرى ومن وجه نظر 3 مليون ونص متابع
ابراهيم عادل قناته على يوتيوب اسمها زى اميريكان انجلش والتطبيق اللى
هتتعلم منه اسمه بنفس اسم القناه متاح عل اندرويد واي او اس
دا مش اعلان على فكره بس الناس فعلا اللى بتقدم حاجه تفيد بدون استغلال من
حقنا ان احنا ندعمها
وبس ياسيدى
اتعلمت لغه واشتغلت من وانت فالبيت
طب اى بس كده
ببساطه دا بحر واول حاجه لازم تتعلمها انك تتعلم تدور لوحدك
اقرا عن الموضوع ف جوجل او اسمع ناس بتتكلم عنه على يوتيوب
تعليقات
إرسال تعليق