عيد الحب بين الاسطوره والتجاره
4 نوفمبر اللى فات كان
عيد الحب الفالنتاين يعنى فمينعش مناسبه
زى دى تعدى كده مرور الكرام وخصوصا انا احنا شعب بيقدر الحب يعنى بكل دباديبه
عيد القديس فالنتاين عيد الحب او يوم الحب فى السريع كده تعريفه على
ويكيبديا هوا احتفال خاص بالاخوه المسيحين يحتفل به فى العالم فى 14 فبراير حسب الكنيسه الغربيه
و6يوليو حسب الكنيسه الشرقيه
وفى بعض الدول بتحتفل بيه فى ايام بواعيد تانيه زى مصركده بتحتفل بيه يوم 4
نوفمبر + طبعا 14 فبراير حسب الكنيسه الغربيه
فى العصور الوسطى كان الاخوه المسيحين بيحتفلو بيه عن طريق تبادل الورود
والحلوى وبطاقات الاعياد
لان اليوم دا مرتبط عندهم بمفهوم الحب والوفاء للقديس فالنتاين
واللى ليه اكتر من قصه ممكن تبق تقرأ عنها
بكده نطلع من الجزئيه دى ان اليوم دا لحد العصور الوسطى ذات طابع دينى
لحد ماسهمت فيه الثوره الصناعيه
ف انها توفر بطاقات معايده جاهزه
والورود الحمراء اللى بتعبر عن الحب وبقو هما الاتنين بصفه تقليديه اكثر ارتباطا
بعيد الحب
فى عام 1916 شركه اسمها هولمارك فى الولايات المتحده بدات تصنع بطاقات
معايده بس حتى وصلت مبيعتها فى اليوم دا 132 مليون بطاقه
واحصائيات الرابطه التجاريه لبيع البطايق على مستوى العالم وصل الى مليار
بطاقه
ولى زمن العصور الوسطى نيجى بقى لعصر التكنولوجيا والتجاره واللى استغل
اليوم دا بكل مالديه من قوه
وفعلا نجحو انهم يقنعو كل الشباب ان دا مجرد يوم للحب ومش مرتبط بديانه
معينه
ودا طبعا علشان يزودو نسبه
المبيعات اللى هتوصل بالشكل دا لاضعاف مضاعفه
بس كانت فى مشكله ان الناس اللى هما اصحاب أديان مختلفه عندهم اعياد
ومناسبات مشابهه لليوم دا
فصعب ان اليوم دا يتحول عندهم لمبدا او مناسبه يستنو معادها
وحلو المشكله ببساطه بدبدوب وقلب احمر
وقدرو انهم يقنعو الشباب انه يوم للعشاق... اليوم اللى تتفرغ فيه وتخرج مع
حبيبتك وتجيبلها دباديب وقلوب
ودى فكره تجاريه مش غريبه على حد فاهم تجاره وهى ربط اليوم بحدث معين
بالظبط زى فكره الجمعه السوده اللى بقى مرتبط عند الناس بالخصومات مع ان
الخصومات موجوده فى كل مكان طول السنه
بس ترويجهم لليوم دا واقناعهم
للناس انه يوم هتنزل وهتشترى الحاجه اللى انت عايزها بخصومات خللوه رمز للخصومات
وفعلا نجحو ف دا وبقى يوم متعرفش تمشى فيه من زحمه الناس ف المولات والمحلات
وبكده بقى اليوم مش بس مقتصر على طابع دينى بس لا بقى طابع دينى وتجارى ورومانسى
وبس ياسيدى وقعنا فى شبكه التجار واقتنعنا ان الحب ليه يوم مرتبط بزمن وتاريخ معين
مع ان فى الدين الاسلامى ايام حب تقريبا موجوده على مدار السنه
كل يوم جمعه هوا يوم حب كل يوم فى مناسبه زواج او عقيقه هوا يوم حب لان
المقاصد من الايام دى بجانب الاشهار والبركه نشر السرور والحب بين المسلمين
لان الرسول صلى االله عليه وسلم قال تهادو تحابو واذا دعى احدكم الى وليمه
فليأتها
دا غيرعيدين الاضحى والفطر اللى موجودين بشكل ثابت
خلاصه الكلام اعرف اللى ليك واللى عليك وان كنت مش قادر تمنع نفسك من الغلط
متجهرش بيه مش لازم تبين قدام كل الناس انك روميو الجيل
ودا حتى مش علشان صورتك دا علشان الجيل الصغير اللى ممكن يجى يوم من
الايام ويقتنع ان اللى بتعمله دا شيئ طبيعى وساعتها هيبق مستحيل تقنعه ان دا ضد القيم
والاخلاق والمبادئ
تعليقات
إرسال تعليق