اهداء الى حسام هيكل | خلليك عيل يشرف

اهداء الى حسام هيكل | خلليك عيل يشرف

من 35 سنه .

 تحديدا فى سبتمبرعام 1985  الفنان الراحل محمود عبد العزيز والفنان يحى الفخرانى عكسولنا  صوره واضحه لواقع اليم تسبب عنه ضحايا اجيال

من الشباب

واللى للاسف وصل جيلنا الحالى انه يبق واقع اخطر بل مدمر للاجيال اللى جايه.

.المطرب ضوفه الاياط والشاعر محمود ننس والريس ستمونى

للى ميعرفش الريس ستمونى هوا مؤلف اغنيه ياحلو بانت لبتك اول مدابت قشرتك

واللى قام بدوره الفنان فؤاد خليل فى فيلم الكيف

طبعا مستغرب من اللى بقوله وبتقول جواك اى التخلف اللى كانو فيه دا

طب بذمتك لودا تخلف تسمى اى ياورده يافله اموت واكسر ازاز المله  للفنان  ريشا كوستا وطه انترناشونال

وصلتلك ان الجيلين اتفقو على مبدأ واحد لخصهه الفنان محمود عبد العزيز للشاعر محمود بجملته . ادينى فالهايف وانا احبك ياننس

زود على دا كمان تطور التكنولوجيا الرهيب ووسائل التواصل الاجتماعى ف وقتنا الحالى اللى ساهمت ف انتشار المبدأ دا واثرت بيه وبقوه ف عقول اكتر من 90 ف الميه من الشباب

نرجع للجيل القديم اللى ناتج مبدأ الهيافه اثر عليهم تأثير اخطر عكسته  لينا مسرحيه

مدرسه المشاغبين

واللى كان محتواها بيقوم على السخريه من رموز التدريس اللى بتتمثل ف ناظر المدرسه عبد المعطى والاستاذ الملاوانى

وبالمثل دا اللى بنعانى منه حد النهارده حتى اصبح المدرس قيمه لاقيمه لها

فى نظر طالب العلم

وانهارت بعده كل امال الشباب المثقف اللى ثقته ف نفسه وف علمه اتعدمت

.....

تفتكر احنا ممكن نلحق نبنى ونربى نفسنا من جديد ونمنع الخطر من انه يكمل للاجيال اللى جايه

ولا هنسيه لحد منوصل لواقع البيضه والحجر اللى مش عارفين هيبق شكله ايه

واللى منقدرش نوصفه غير بمقوله الفنان احمد ذكى ويل للعالم اذا انحرف المثقفون؟

كل اللى قلته دا مبقاش يتقصد بيه حد غيرك الحق نفسك والحق جيل من انه يقع ف الخطر دا وخلليك عيل يشرف.

وممكن نعتبر دى بدايه حمله اسمها الحق جيل هيبدا بيها شباب قريه ابوداود العنب بنفسيهم

بانهم يلحقو الجيل اللى جاى

جيل ولادنا اللى هنقف بينهم وبين الاغانى الهابطه

والاخلاق السوقيه .

الفيديو دا اهداء منى لحسام هيكل مؤسس حمله عيل يشرف ياريت لو عجبكو تتشتركو ف القناه و تعملوله شير و لايك وتشاركونى رايكو فالكومنتات .

وممكن تشوفو الحلقه على يوتيوب اضغط هنا